“GUMISING NA KAYO! NANGGALING NALANG AKO SA IMPIYERNO PAGBALIK KO TULOG PA KAYO! ANG LABAS ANG DUMI-DUMI! ANONG ORAS NA?! NAPAKAINIT NA SA LABAS! ANG IBA ANG DAMI NG NATAPOS KAYO TULOG PA! ANONG GUSTO NYO AKO PA ANG GUMAWA SA LAHAT NG GAWAIN BAGAY! GUSTO NYO PAGSILBIHAN KO PA KAYO. GUMISING NA KAYO! GUMISING NA KAYO! HUWAG NYONG HINTAYIN NA MAGALIT AKO ———–”

at namuhay silang maligaya at may kunot sa mukha. yan ang laging hiyaw ng nanay ko, sa umaga. ikangan ng iba. morning machine gun. malakas na panlaban sa mga abusayaf sa sulu. hindi ko nga alam kung papano namin mapapa-alis ang nasabing sumpa sa bibig ng nanay ko. magsisimula pa lang  kami ISANG MILYON NA ANG NASABI nya. ang galing talaga ng nanay ko!

bihira lang din naman kasi ang mga nanay na pavirgin ang bibig. lahat ata bongangera. sa lahat ng aspeto ang nanay umano ang nakaka-alam. AGREE OR DISAGREE? well ang nanay ko. oo! para sa kanya alam nya lahat. kaya minsan binubola sya ng kuya ko ng SWEET ibig sabihin SWEETO (sa bisaya : alam lahat). natatawa nalang kami.

hindi ko nga alam kung papano napasagot ng tatay ko ang ganitong klase bibig. hindi ko rin alam kung bakit pag ang machine gun na ang lumabas. hindi na kumikibo ang haligi ng tahanan. siguro durog na sa mga bala na tumama. ang bilis kaya tumira! wahaha.

minsan natatawa na lang ako. kasi ang ganda pa naman ng panaginip ko ng minsan biglang parang umiiba na ata ang dialog ng mga tauhan sa dreams ko. ang bilis at hindi na ata nababagay sa takbo ng istorya. BIBIG NA PALA NG NANAY KO ANG NARIRINIG KO. kokak! kokak! kokak!